Ministër i Mbrojtjes së Republikës së Maqedonisë së Veriut

RADMILLA SHEKERINSKA JANKOVSKA

Shekerinska_biografijaRadmilla Shekerinska Jankovska është Ministre e Mbrojtjes në Qeverinë e Republikës së Maqedonisë së Veriut.

Ajo u zgjodh për herë të parë Ministre e Mbrojtjes në maj, 2017 dhe gjatë këtij mandati, Republika e Maqedonisë së Veriut u bë anëtari i 30-të i plotë i NATO-s, i cili ishte një qëllim strategjik i vendit që nga pavarësia jonë.

Radmilla Shekerinska Jankovska ka lindur më 10 qershor 1972 në Shkup. Është diplomuar në Fakultetin e Inxhinierisë Elektrike në Shkup në vitin 1995.

Është magjistre e marrëdhënieve ndërkombëtare nga Shkolla Fleçer e Drejtësisë dhe Diplomacisë në Universitetin “Tufts” në SHBA.

Në maj të vitit 2018, nga Republika e Francës u dekorua me urdhrin “Komandant i Rendit Kombëtar për Merita ndaj Francës”. Urdhri ndahet për merita të shquara qytetare dhe është themeluar në vitin 1963 nga gjenerali De Gaulle. Ajo është politikanja e parë nga Maqedonia e Veriut që ka marrë njohje nga kjo gradë.

Nga viti 2002 deri 2006 Shekerinska ka qenë zëvendës-kryeministre e Qeverisë e angazhuar për integrimin evropian dhe koordinatore për ndihmë nga jashtë. Pikërisht gjatë kohës së mandatit të saj kemi fituar statusin e vendit kandidat për anëtarësim në Bashkimin Evropian.

Në 2009 dhe 2012 Shekerinska u zgjodh shefe e misioneve të OSBE/ODIHR-it për mbikqyrjen e zgjedhjeve presidenciale dhe parlamentare në Kirgistan dhe Armeni.

Shekerinska ka përfaqësuar qytetarët në institucionin më të lartë legjislativ gjatë katër mandateve 1998-2002 dhe 2006-2011). Ajo ka udhëhequr me Këshillin Kombëtar për Integrime Evropiane nga themelimi i tij deri në vitin 2014. Ka marrë pjesë në delegacionet e Parlamentit për bashkëpunim me Parlamentin Evropian dhe Unionin Ndërparlamentar.

Në vitin 2005 ka fituar çmimin Udhëheqës i Ri Global, që ndahet nga Forumi Ekonomik Botëror. Çmimi iu nda për angazhimin dhe përkushtimin e saj në fushën e integrimit evropian të Ballkanit Perëndimor. Është anëtare e grupit “Munich Young Leaders” themeluar në kuadër të Konferencës së Sigurisë në Mynih (Munich Security Conference). Ka qenë anëtare e Forumit Strategjik Evropian, Bordit Këshillues të projektit “Schengen White List” dhe Këshillit “Institute for Cultural Diplomacy”.

Në vitin 2008 ajo u zgjodh si një nga nënkryetarët e Internacionales Socialiste (SI), pozitë që e ka mbajtur deri në vitin 2011. Është anëtare e Kryesisë së Partisë së Socialistëve Evropianë (PES), e cila bashkon partitë socialdemokrate, socialiste dhe laburiste  në Evropë.

Është e martuar dhe ka një vajzë. Flet gjuhën angleze dhe frënge.

Lista anketuese e ministres të Mbrojtjes së Republikës e Maqedonisë së Veriut, Radmilla Shekerinska

facebooktwittergoogle_plusredditpinterestlinkedintumblrmail